/10/
VII.
Guglielmo di Camino e sua moglie Agnese danno alla chiesa di Sant’Agata di Pontestura due terre in Zoalengo [Gabiano] (6 gennaio 1151).
Fonti — Orig. in Arch. Camer. Tor., Invent. n.728/2
(S.T.) Anno ab incarnacione domini nostri ihesu xpisti millesimo centesimo quinquagesimo primo. sexto die mense ianuario indicione quarta decima. Ecclesie sancte agathe de ponte Nos vuilielmus de camino filius condam loterii atque Agnes iugalis filia condam oglerii qui lege salica fatemur viuere offertores et donatores eidem ecclesia presentes presentibus diximus Quisquis in sanctis seu uenerabilibus locis aliquid de suis intulerit bonis iuxta uocis auctorem centuplum in hoc seculo atque insuper quod melius est uitam eternam possidebit Jdeoque nos qui supra vuilielmus et agnes iugales donamus cedimus et conferimus eidem ecclesie pro animarum nostrarum mercede nominatiue de quinquaginta modiis de terra et bosco cum area sua que iacet in soalengo in duabus peciis. prima pecia iacet in rouoreto et est boscum cum terra insimul tenente. coheret ei ex una parte boscus sancti uictoris. ex alia parte comune de soalengo. Secunda pecia iacet ubi dicitur campus moneatus. coheret ei ex una parte terra sancti uictoris ex alia parte illi de monte rigido. ex tercia currit riuus dardanie. sibique alie sunt coherentie. Quas autem suprascriptas pecias duas de terra et bosco qualiter supra legitur ab hoc die æcclesię que supra dono cedo et confero et per presentem cartulam offersionis faciat exinde proprietario nomine quicquid uoluerit sine omni nostra et heredum ac proheredum nostrorum contradicione. Equidem spondimus atque promitimus ab omni homine defensare. quod si defendere non potuerimus aut si minuere quesierimus tunc in duplum eandem /11/ donacionem ecclesie restituemus in consimili loco. Actum in eodem loco pontis feliciter. Signa manuum suprascriptorum Jugalium qui hanc cartulam fieri rogauerunt. Signa manuum vuilielmus de caliano. Craua de mombello. otobonus alexius de monasterio. opizo gastaldus. viuianus peliparius. anselmi merciarii. testium (S.T.) Ego albertus notarius sacri palacii rogatus interfui et scripsi.