E. Durando

Uguccione, vescovo di Vercelli, concede ad Andrea, prevosto di Vezzolano, ed alla sua chiesa la capella di Santa Maria di Vivarona (circa 1158).

Fonti. — orig. in Arch. Cam. Tor., l. c..

V[guitio]. dei prouidentia uercellensis ęcclesie humilis episcopus A[ndree]. ueciolani ęcclesie beate marie preposito et ceteris eiusdem ęcclesie fratribus salutem Pacem et ęterne felicitatis gaudium. Ecclesiis dei nobis commissis prouidere et eas pro posse nostro conseruare nos esse astrictos cognoscimus. quotiens illa poscuntur que iuste peticionis uinculo fulciuntur et a ratione non deuiant. Eapropter uestris iustis peticionibus fauorem et assensum prebentes comuni fratrum nostrorum Consilio similiter et assensu. capellam quandam loco uiuarone sitam. et sub nomine beate marie dedicatam. aduocatis ipsius capelle si quid in ea iuris habebant. in nostra manu refutantibus. ęcclesię ueciolani iure perpetuo tradimus atque donamus. ita ut tam tu Andreas quam successores tui omnes in posterum eam teneatis. et sine nostra ac successorum nostrorum contradictione libere ordinetis. et secundum deum prout nobis uisum fuerit de cetero statuatis. saluo in omnibus et per omnia iure. reuerentia et obedientia uercellensis ecclesie. (1)  ＋Ego Vguitio uercellensis episcopus subscripsi. ＋Ego Johannes archipresbiter subscripsi; Ego Petrus cantor subscripsi. ＋Ego Guilielmus evsebiane ecclesie indignus sacerdos subscripsi et ex mandato domini episcopi hanc donationem scriptam tradidi. Ego otobonus presbiter subscripsi. ＋Ego mayfredus diaconus subscripsi. Ego Guido diaconus subscripsi. /15/ ＋Ego petrus diaconus subscripsi. Ego gracianus diaconus subscripsi. Ego galfredus subdiaconus subscripsi ＋Ego Sigardus subdiaconus subscripsi ＋Ego galo subdiaconus subscripsi.