/181/
LX.
Guglielmo, marchese di Monferrato, dispone che il monastero della Rocca ed i suoi dipendenti non debbano prestar servizio per qualsiasi Comune (27 settembre 1270).
Fonti. — A. L’orig. manca. — B. Copia autentica in BRT, Perg. sec. XIII, rotolo cit., n. 143.
Anno domini millesimo cclxx Jndicione xiij. die sabati xxvii. mensis se[p]tembris. Jn castro montiscalui. presentibus dominis Rofino de sexeracco frederico de ponponibus Judice et Guillelmo de septimis testibus Nos Guillelmus marchio montisferrati facimus. precipimus et ordinamus et nostre voluntatis est quod prior minister priorissa seu rector uel rectrix siue conuentus monasterij sancte marie de la Rocca uel aliqui conuersi seu nuncii uel homines eiusdem monasterij uel grangiarum seu domorum ipsius non debeant nec teneantur mit[t]ere in exercitum uel caualcatam aliquam barociam uel barocias boues uel bestias seu personas Jn seruicium alicuius comunis loci uel ville castellani uel alterius singularis persone de terra nostra nisi de personarum dicti monasterij fuerit voluntate. Jnhibentes et districte precipientes omnibus et singulis hominibus et personis de terra nostra [sub pena] nostro arbitrio exigenda ne predictum monasterium nuncios uel homines ipsius ad hoc debeant compelli uel in aliquo molestare.
/182/ Ego Manfredus macarius sacri palacij publicus notarius Jnterfui et hanc cartam precepto dicti domini marchionis feci et scripsi.