E. Durando

Cartario del monastero di Rocca delle Donne

Pinerolo 1908

/111/

Cartario del monastero di Rocca delle Donne

/113/

I.

Papa Pasquale II conferma al monastero di (La) Chaise-Dieu [diocesi di Clermont] ed al suo abate Aimerico i suoi possessi e privilegi (4 febbraio 1107).

Fonti. — A. L’orig. manca. — B. Copia autentica del notaio Giovanni Cappa di Casadei (La Chaise-Dieu), diocesi di Clermont, colla data 1316, ind. xv, in BRT, Perg. sec. XII, n. 43. — C. Cfr. per le edizioni Jaffé-Löwenfeld, n. 6114.

Osservaz. — L’anno è « ab incarnacione » in ritardo, come mostrano l’Ind. XV e l’anno VIII del pontificato di Pasquale II.

Met. di publ. — Si riproduce B, colle correzioni indispensabili.

Pascalis episcopus seruus seruorum dei dilecto filio Aymerico Abbati monasterii quod Casedei dicitur siti in parrochia aruernensi eiusque successoribus regulariter substituendis in perpetuum. Apostolice sedis auctoritate debitoque (1) compellimur pro vniversarum ecclesiarum statu satagere. Et earum maxime que eidem sedi specialius adherent et tamquam Jure proprio subiecte sunt quieti. auxiliante domino. prouidere. Eapropter fili Aymerice in xpisto karissime. tuis tuorumque fratrum Justis desideriis et petitionibus annuentes. Cenobium Casadei cui deo auctore presidere dinosceris. secundum predecessorum nostrorum natura[m] in apostolice sedis gremio confouentes. tam capud quam membra cetera presentis decreti auctoritate munimus. omnia ei que eidem cenobio a (2) predecessoribus nostris apostolice memorie Gregorio septimo. et Vrbano secundo concessa sunt nos quoque decreti presentis auctoritate concedimus. Confirmamus et vobis monasterium sancti andree vienne situm quod a condam Guidone viennensi archiepiscopo vobis constat esse concessum. Ecclesiam quoque sancti treuerij. quam venerabilis memorie hugo lugdunensis archiepiscopus consenciente comuni capitulo uestro cenobio contulit. Et item cellam de beciano a confratre nostro Bernardo episcopo Agatensi concessam. Preterea per presentis priuilegii paginam Apostolica auctoritate statuimus vt quecumque hodie cenobium vestrum Juste possidet. siue in futurum concessione pontificum. liberalitate principum. /114/ uel oblatione fidelium Juste atque canonice poterit adipisci. firma tibi tuisque successoribus et illibata permaneant. Decernimus ergo ut nulli omnino hominum liceat Jdem cenobium temere perturbare. aut ei subditas possessiones auferre uel ablatas retinere uel minuere. aut temerariis vexationibus fatigare. Set omnia integra conseruentur. eorum pro quorum sustentatione ac gubernatione concessa sunt. vsibus omnimodis profutura. salua Aruernensis Ecclesie debita reuerencia omni tamen professionis exactione seposita. Ad hec adiicentes statuimus ut si quis abbatum qui romana tibi auctoritate subiecti sunt erga obedienciam tuam rebellis extiterit. liceat discretioni tue disciplina eum regulari cohercere. nec episcoporum quisquam tibi in parte hac aduersetur. obeunte te nunc eius loci abbate uel tuorum quolibet successorum. nullus ibi qualibet subreptionis astucia uel violencia preponatur nisi quem fratres comuni consensu uel fratrum pars consilii sanioris secundum deum et beati benedicti regulam elegerint. Ad inditium autem percepte a romana Ecclesia libertatis. bisancium vnum quot annis lateranensi palacio persoluetis. Si qua igitur in futurum Ecclesiastica. secularisue persona. hanc constitutionis nostre paginam sciens contra eam temere venire temptauerit. secundo tercioue commonita si non satisfactione congrua emendauerit potestatis honorisue sui dignitate careat. reamque se diuino Judicio existere de perpetrata iniquitate cognoscat. et a sacratissimo corpore et sanguine dei et redemptoris nostri ihesu xpisti aliena fiat. Atque in extremo examine districte vltioni subiaceat Cunctis autem eidem loco Jura seruantibus sit pax domini nostri ihesu xpisti quatenus et hic fructum bone actionis percipiant. et apud districtum Judicem premia eterne pacis inueniant Amen Amen Amen. Datum per manum (3) Johannis sancte Romane Ecclesie diaconi cardinalis ac bibliotecarij. secundo nonas februarij Jndictione xv. Jncarnacionis dominice Anno millesimo. Co. sexto. pontificatus autem domini pascalis secundi pape. anno. viiio.

Torna su ↑

[Note a pag. 113]

(1) B: debito quod Torna al testo ↑

(2) B: e Torna al testo ↑

[Nota a pag. 114]

(3) In B vi è qui uno spazio in bianco, ma il senso non presenta lacuna di sorta, eccetto forse domini. Torna al testo ↑

Torna su ↑