/52/
52. Æcclesia de Braigs.
1074-1087, avril.
In nomine summe et individue Trinitatis. Ego Falcho et uxor mea Florentia et infantes nostri, ego vero Austria et infantes mei, ego vero Fulco et uxor mea et infantes nostri, ego quidem Hugo frater ei, ego autem Ademarus de Sablonag, ego quippe Ebrardus d’Espainols et fratres mei damus sancto Salvatori et sanctæ Fidi de Conchis, et abbati Stephano et monachis præsentibus et futuris æcclesiam sancti Martini de Braigs ad alodum, scilicet totum phevum presbyterale, sicuti unquam melius habuit presbyter. Hoc donum, sicuti nos facimus, laudat domnus episcopus Agennensis et Amancus ejus archidiaconus et cæteri sui clerici. Si qua vero persona huic donationi in aliqua re contraria extiterit, non habeat potestatem et insuper iram omnipotentis Dei incurrat.
Scripta est hæc donatio in mensæ aprilis, domno papa Gregorio presidente et Phylippo Francorum rege regnante. — S. Willelmi Gardone. S. Grimoardi de Pigon. S. Willelmi Grimoardi. — Durannus scripsit.