/227/
284.
1060 – 1065.
In nomine summe et individue Trinitatis. Ego Rodbertus et fratres mei Odilo et Willelmus, Bertrandus et Stephanus, et sorrores nostre Garifolla et Petronilla, nos pariter filii et filiae Rodberti cujusdam prenominati de Castello omnes honores et convenientias et manu missionem quos dedit et fecit et manu misit pater noster Rodbertus damus et concedimus et perpetuahter confirmamus domino Deo et sancto Salvatori sanctseque Fidei; et abbati Odalrico et monachis presentibus et futuris cenobii Conchacensis, ita sicut resonat in testamento et in prescripcione patris nostri; et per hoc accipimus fraternitatem et societatem jam dicti cenobii et mulam patris nostri jam monachum facti et defuncti et solidos denariorum ab abbate et a monachis predictis. Quod si quis ex nobis voluerit se monachum facere, non habeat licentiam alicubi nec in alio alico monasterio mittere nec aliquid dare aut vendere vel in pignorare de omni honore ecclesiastico quem nobis dimisit pater noster, nisi predicto monasterio et habitatoribus ejus. Si quis nostri vel parentum nostrorum contra hanc donationem vel confirmationem voluerit /228/ inrumpere vel infringere, non hoc valeat facere, sed insuper exheredatus et alienatus sit suæ sortis, et ejus pars sit his qui hanc confirmationem vel donationem incontaminatam et inviolatam observaverint.
Data vel confirmata sunt hæc vel conscripta tempore Philippi regis Franchorum. — S. Rodberti, Odilonis, Willelmi, Bertrandi, Stephani, Garifolle, Petronille, qui omnes pariter hanc donationem et confirmationem fecerunt et firmaverunt.