Desjardins

/386/

547¹ Castel Mauro.

1106, octobre.

In nomine sancte et individue Trinitatis. Ego Amelius Tolosane urbis episcopus, cum consilio dominis Castri Mauronis scilicet Bernardi de Quintil et Jordanis fratris ejus et Vitalis et Gauzberti et Peregrini, nos omnes insimul damus domino Deo et sancti Salvatori de Conchis et Begoni abbati et monachis præsentibus et futuris Deo servientibus illum montem in quo hedificatur ecclesia in honore Deo et sancte Fidis, sicut fontes decurrunt per circuitum per concava loci et sicut mons dividitur per cruces quas manibus nostris posuimus. Et ibi constituimus salvaterram → Gloss. salvaterram in honore Dei et beate Fidis, tali pactu ut nullus miles neque cliens neque joculator habeat ibi domum ad habitandum, omnisque census et omnes fiducie et omnes redditus et leide → Gloss. leide macellorum et salis et omnes donationes sint monachis in perpetuum, sicut monachi melius habuerunt in villa de Cassagalater. Et si aliquis homo vel femina habuerit feodum in villa illa de monachis et voluerit vendere vel dare vel inpignorare alicui homini, faciat cum consilio prioris; et si voluerit facere sine consilio prioris, revertentur ecclesie. Et si aliquis homo est in villa illa qui haberet possessiones terrarum vel vinearum vel ortorum vel domorum et in morte sua non haberet filios vel filias legitimos ex uxore sua vel recesserit a villa illa, omnes possessiones supradicte revertentur in dominio ecclesie de salvateria illa. Monachi habeant clibanum → Gloss. clibanum suum in quo omnes decocant panem suum. Hoc totum damus et concedimus sicut supra scriptum est, et manus nostras ponimus super sancta evangelia ut hoc teneamus et tenere faciamus et possidere sancte ecclesie Conchensi et B. abbati et monachis presentibus et futuris ut ibi /387/ semper sit habitatio eorum secundum possibilitatem nostram, et ut monachi pro nobis et pro omni projenie nostra implorent jugiter misericordiam Domini. Hoc itaque donum in tali convenientia datum est ut, si ullus abbas de hoc a fevum → Gloss. fevum donaverit, propinqui nostri in monasterio usque tercio recuperare faciant. Et hoc donum manendo tali stabilitate firmamus in posterum quod aliquis de propinquis nostris non infringat vel conturbet, sed semper Deo et sancte Fidi istud donum superius scriptum ratum et inconvulsum et illesum per omnia conservetur. Si vero, inmutata voluntate, nos aut aliqui parentum nostrorum hoc donum usurpare aut calumpniare præsumpserimus, nulla sit licentia; sed insuper quod lex jubet faciamus et honorem monachis sancte Fidis sicut supra scriptum est quiete tenere faciamus.

Anno ab incarnatione Domini m c xi¹, regnante Philipo rege Francorum, mense octobris, feria iiii. — S. Amelii episcopi, et Bernardi de Quintil, et Jordanis, et Vitalis, et Gauzberti, et Poncii, — et Geraldi monachi qui hanc cartam scripsit.